تمتع بمشاركة النصوص المفضلة مع تطبيق HotKey Share

من فترة كبيرة أوي كنت بدأت في تطوير تطبيق لسطح المكتب للتعامل مع الشبكات الاجتماعية وخصوصا الفيس بوك وتويتر , ولكن كان التطبيق للإستخدام الشخصي فقط .

وللأسف كان استخدامي للتطبيق مزعج لبعض الاشخاص لأني كنت بعمل شير بسرعة جداً , ودي صورة كان أحد الأصدقاء إلتقاطها أثناء غزوي للتايم لاين على الفيس بوك D:

 

طبعاً مش ده الغرض الأساسي للتطبيق على الإطلاق هو بس مجرد وسيلة لنشر النصوص المفضلة اللي انت بتقرأها في الوقت الحالي وعجبتك وعاوز تنشرها على حسابك

فهتكون محتاج وسيلة أسرع بدل النسخ واللصق في المتصفح أو في أي عميل أخر للشبكات .

يعني بإختصار : الميزة الوحيدة في التطبيق هي إمكانية النشر السريع باستخدام ضغطة زر واحدة HotKey !

ونظراً لأن في بعض الأصدقاء طلبوا التطبيق بس للأسف كنت رابطة بحسابي فقط , فقمت بتطويره مرة تانية عشان أي حد يقدر يعمل تسجيل دخول ويبدأ النشر من خلال حسابة الشخصي .

ودي صورة للتطبيق في إصداره الأول التجريبي :

طبعاً بغض النظر عن الشكل  (الكلاسيك) , تقدر ترسل النصوص من خلال واجهة البرنامج أيضاً من على سطح المكتب , وده مفيد جداً في حالة بطئ الإنترنت .

والتطبيق مفيد جداً لمحبي قراءة الكتب الإلكترونية , بسهولة أي جملة تعجبك أثناء القراءة بمجرد انك تنسخها وتضغط على ALT +C يتم نشرها تلقائياً

أياً كان التطبيق اللي بتستخدمه في قراءة الكتب سواء :, Web Browser , PDF Reader , Office

 

في أول استخدام ليك للتطبيق هتدخل على Manage Accounts وتضيف حساب الفيس بوك والتويتر .

ملحوظة بسيطة عند تسجيل الدخول في حساب تويتر , طريقة التوثيق لتطبيقات الدسكتوب تتطلب كتابة رمز الـPIN زي ما موجود في الصورة دي كده :

 

 

تم تطوير التطبيق بلغة CSharp معتمداً على مكتبات FacebookAPI و Twitterizer تحت بيئة عمل .NET Framework 4 , لذلك يجب أن تكون متوفرة على جهازك , ويمكن الحصول عليها : من هنا

 

والأن لم يتبقى الا تجربة التطبيق 🙂

رابط التحميل : من هنا (رابط مباشر)

رابط بديل : من هنا (Mediafire)

 

في إنتظار تعليقاتكم على التطبيق بعد التجربة .

دمتم في ود 🙂

3648 Total Views 9 Views Today
  • محمد الزرقاوي

    مجهود جميل ياسلام وجاري التجربة وابداء تقرير شامل عنة

    • EslaM

      تسلم يا محمد , ربنا يخليك يا صاحبي 🙂

  • محمد الزرقاوي

    مجهود جميل ياسلام وجاري التجربة وابداء تقرير شامل عنة

    • EslaM

      تسلم يا محمد , ربنا يخليك يا صاحبي 🙂

  • islam fathy

    بسم الله ما شاء الله انا جربته التطبيق ولاقيته ابداع من ابداعاتك يا سولوم ربنا يوفقك يا رب ويزيدك علم

    • EslaM

      ربنا يكرمك يارب 🙂

  • islam fathy

    بسم الله ما شاء الله انا جربته التطبيق ولاقيته ابداع من ابداعاتك يا سولوم ربنا يوفقك يا رب ويزيدك علم

    • EslaM

      ربنا يكرمك يارب 🙂

  • مشاء الله برنامج رائع وشورحات أروع بارك الله فيك أخي وجعلة في ميزان حسناتك

  • مشاء الله برنامج رائع وشورحات أروع بارك الله فيك أخي وجعلة في ميزان حسناتك

  • مصطفى

    لو سمحت ياريت تتحفنا بفديو عن مكتبة تويتر وبرمجة تطبيق ديسكتوب خاص بتويتر زى ما ابدعت معانا فى بناء تطبيقات الفيس وبارك الله لك